44saylı Sumqayıt-Xızı seçki dairəsindən deputatlığa namizəd Hacı Salayev təbliğat-təşviqat kampaniyası çərçivəsində seçicilərlə görüşlərini davam etdirir. Deputatlığa namizədin seçki qərargahının üzvləri bu dəfə Sumqayıt şəhərinin 1 və 2-ci məhəllələrinin sakinləri ilə görüşüblər.

H.Salayevin seçki qərargahının üzvlərini, səlahiyyətli nümayəndəsini və vəkillərini hər 2 görüşdə məhəllə sakinləri böyük hörmət və mehribanlıqla qarşılayıblar. Seçicilərə deputatlığa namizədin təbliğat materialları paylanıb, platforması diqqətə çatdırılıb. Seçicilər qarşısında çıxış edən deputatlığa namizədin səlahiyyətli nümayəndəsi Azad Eyvazov H. Salayevin keçdiyi ömür yolundan və fəaliyyətindən söz açıb. Səlahiyyətli nümayəndə qeyd edib ki, hazırda Milli Məclisin deputatı olan Hacı Salayev Sumqayıt-Abşeron seçki dairəsinin seçicilərinin problemləri ilə daim maraqlanıb, onların hər zaman yanında olub və bu problemlərin həlli istiqamətində səlahiyyəti çərçivəsində müvafiq addımlar atıb. Çıxış edən vəkillər sakinlərlə görüşlərindən məmnunluqlarını bildirərək, hər kəsi seçkilərdə aktiv olmağa və layiqli namizədə, məhz Hacı Salayevə səs verməyə dəvət ediblər.

Digər çıxış edənlər Hacı Salayevin beş illik deputat fəaliyyətini yüksək qiymətləndiriblər.
Məhəllə sakinləri sumqayıtlı bir ziyalının Sumqayıt şəhərindən deputatlığa namizəd olması ilə fəxr etdiklərini və birmənalı olaraq Hacı Salayevə səs verəcəklərini bildiriblər.