Sumqayıt şəhər Gənclər və İdman Baş İdarəsinin təşkilatçılığı ilə 1 noyabr 2015-ci ildə keçiriləcək parlament seçkilərində gənclərin fəallığının artırılması, gənc seçicilərin maarifləndirilməsi və seçki prosesinə marağın artırılması məqsədi ilə 28-29 oktyabr tarixlərində Sumqayıt Gənclər Evində "Seçkilərdə Fəal Olaq" adlı təlim keçirilib.

Sumqayıt şəhər Gənclər və İdman Baş İdarəsininrəisi Elşən Baxşəliyev tədbirin əvvəlində çıxış edərək Ulu Öndər Heydər Əliyevin əsasını qoyduğu və prezidentimiz İlham Əliyevin prioritet sahə kimi yanaşdığı dövlət gənclər siyasəti nəticəsində bu gün Azərbaycanda güclü gənclər ordusunun formalaşdığını deyib. O, gənclərin ölkənin ictimai-siyasi, mədəni həyatında mühüm yer tutduğunu, seçkilərdə gənclərin fəal iştirakının vacibliyini vurğulayaraq bildirdi ki, 1 noyabr 2015-ci il tarixdə keçiriləcək Milli Məclisə seçkilərdə də bütün vətəndaşlar kimi hər bir gənc də fəal iştirak etməlidir.

Daha sonra təlimçi tərəfindən təlimin əsas proqramı iştirakçıların nəzərinə çatdırılIb.

İnteraktiv metodla davam edən təlimdə seçki qanunvericiliyi, ölkəmizdə seçki institutları, seçki və əsas prinsipləri, habelə parlament və onun funskiyaları haqqında məlumatlar gənclərə çatdırılıb.

Təlimdə ilk dəfə səsverən gənclər fəal iştirak edib, onları maraqlandıran suallar cavablandırılıb.

Sonda iştirakçılara sertifikatlar təqdim olunub.