“The Nativity Story” ( doğum günü ) adlı diskdə İsa peyğəmbərin xristian dünyası tərəfindən təhrif edilmiş həyatından bəhs edilən film əks olunub
Sumqayıtda vətəndaşlara xristian dinini təbliğ edən kitab və disklər paylanılır. Bu barədə AzadXeber.net saytına Sumqayıt sakinləri məlumat verib. Sakinlərin bildirdiklərinə görə, müxtəlif şəxslər tərəfindən paylanılan kitablar və disklər əsasən xristian dini və İsa peyğəmbərin həyatı ilə bağlıdır.
“Yolla gedərkən bir nəfər yaşlı xanım mənə yaxınlaşaraq əlindəki kitabı və diski mənə verdi. Bunu nə üçün və niyə mənə verdiyini soruşanda isə, hədiyyə olduğunu söylədi“, - deyə vətəndaşlar bildirib.
“The Nativity Story” ( doğum günü ) adlı diskdə İsa peyğəmbərin xristian dünyası tərəfindən təhrif edilmiş həyatından bəhs edilən film əks olunub. Paylanılan kitablar isə əsasən xristianlığın səmavi kitabı hesab edilən “İncil”dir.
Qeyd edək ki, Milli Məclisin bir neçə müddət bundan öncə dini ədəbiyyatlar barədə qəbul etdiyi qanuna əsasən sözügedən ədəbiyyatların və disklərin paylanılması inzibati məsuliyyət daşıyır və bununla bağlı yüksək miqdrada pul cəriməsi müəyyən edilib.
Xəbərdən istifadə edərkən istinad etmək vacibdir.
