Son illər yeni doğulan uşaqlara maraqlı adlar qoyulur. Hətta dövlət qadağasına baxmayaraq, valideynlər yeni doğulmuş körpələrinə gülməli, qeyri-etik adların qoyulmaqdan əl çəkmirlər. 

Ədliyyə Nazirliyinin açıqladığı rəsmi məlumata görə, son beş ildə Azərbaycanda 23 qıza Məhəmməd, 86 oğlana Zəhra adı qoyulub.

Ümumilikdə isə qeyd edilib ki, ölkə üzrə 4201 kişiyə və 8 qadına Həsən adı, iki qız uşağına isə Həsanağa adı qoyulub.

Eləcə də, son beş ildə 760 qadına, 7 kişiyə Aygün, 172 kişiyə, 4 qadına Səxavət, 288 kişiyə və 3 qadına Ədalət, 2802 kişiyə və 25 qadına Nurlan, 454 kişiyə və 4 qadına Rövşən, 13 902 kişiyə, 23 qadına Hüseyn, eyni zamanda, daha 23 qadına Məhəmməd, 20 minə yaxın qız uşağına, eləcə də 86 nəfər oğlan uşağına Zəhra adı verilib.

Milli Məclisin Mədəniyyət Komitəsinin sədri, millət vəkili Nizami Cəfərov bildirilib oğlanlara qız, qızlara oğlan adı qoymaq sadəcə biabırçılıqdır. 

"Elə adlar var ki, onları həm oğlana , həm qıza qoymaq olur. Məsələn, Arzu, Pərvin. Amma oğlana Sevinc, Zəhra, qıza Məhəmməd, Həsən adı qoyula bilməz. Bu, mümkün olan bir şey deyil. Ümumiyyətlə belə bir ənənə yoxdur.

Düzdür, bir vaxtlar uşağın sağ qalması üçün ona erməni, xristian adları qoyulub. Amma bunlar da gülünc , mənasız şeylərdir”.



Deputat hesab edir ki, qıza oğlan və oğlana qız adının qoyulması həmin insanların gələcəkdə gülünc obyektinə çevrilməsinə səbəb olacaq.

"Zəhra adı verilən oğlan, Məhəmməd adı verilən qız böyüyəndə mütləq adını dəyişdirəcək. Həmin insanlar utandıqlarından bu adı daşıya bilməzlər”.

N.Cəfərov onu da qeyd edib ki, qanunvericilikdə yeni doğulan uşaqlara hansı adların qoyulması ilə bağlı siyahı var. Odur ki, qıza oğlan, oğlana qız adının verilməsini təsdiq edən VAQ-lar cəzalanmalıdır: "Hansı VAQoğlana Zəhra, qıza Məhəmməd adının verilməsini təsdiqləyibsə, həmin orann cəzalandırılmalıdır. Ola bilər ki, valideynin başı xaraq olsun. Amma heç kim onu təsdiq edə bilməz. Uşağına ad qoymağı valideyn təklif edir, dövlət orqanı isə onu təsdiq edir. Dövlət orqanı valideynin arzusuna müəyyən həddə qədər nəzərə alır. O yerdə ki, adət-ənənə, qanun, prinsip pozulur, orada belə gülünc adları təsdiq etmək olmaz. Qıza oğlan adı, oğlana qız adının qoyulması qanunvericiliklə qadağandır. 

Valideyn gəlib deyə bilər ki, övladımın adını İlan qoy. Dövlət orqanı onu qoya bilməz. Valideyn başını itirə bilər, amma dövlət orqanı başını itirə bilməz. Bir sözlə, Ədliyyə Nazirliyi oğlana qız adını, qıza oğlan adının verilməsini təsdiqləyən VAQ-ları cəzalandırmalıdır” –deyə Nizami Cəfərov bildirib. (azvision)