Sumqayıt avtovağzalında gedəcəyi yerə 1 gün əvvəldən bilet alan şəxs əlavə rüsum ödəməli olub. Yəni bilet ona daha baha satılıb. Hətta bunun qəbzi də verilib. Əvvəldən bilet satışının daha baha olmasi ekspertləri də heyrətə gətirib. Çünki beynəlxalq təcrübədə əvvəldən alınan səyahət biletləri daha ucuz olur. Bəs Sumqayıtda bunun əksinin baş verməsinə nə səbəb olub?
Muxtar Umudov Qazax-Akstafa istiqamətinə aldığı biletə görə əlavə rüsum dəməli olub. Səbəb isə bileti bir gün əvvəlcədən almasıdır.
Sərnişin əlavə 40 qəpik ödədikdən sonra ona ödədiyi məbləğin qəbzini də veriblər. Hadisə Sumqayıt avtovağzalında olub. Avtovağzalın kassiri Kamram Məmmədov da sərnişindən dövlət rüsumu olaraq 40 qəpik alındığını deyir.
Ekspertlər deyir ki, belə vəziyyətdə sərnişindaşıma ilə məşğul olan şirkətlər müştəri cəlb etmək əvəzinə itki ilə qarşılaşa bilər. Çünki beynəxalq təcrübədə avia və qatar habelə gəmi və avtobusla səyahətlər zamanı biletlər əvvəlcədən alınanda daha ucuz başa gəlir.
Xəbərdən istifadə edərkən istinad etmək vacibdir.
