Bü günlərdə "AZƏRİNŞAATSERVİS” MMC-nin əməkdaşlarının gecikdirilən 5 aylıq əməkhaqlarının verilməsi haqda həm telekanallarda, həm də xəbər saytlarında məlumat verildi. Amma... Problemlə əlaqədar "AZƏRİNŞAATSERVİS” MMC-də mühəndis vəzifəsində işləyən Əliyev Eminin öz narazılığını bölüşmək üçün redaksiyamıza (elektron ünvanımıza) müraciət etdiyi məktubunu olduğu kimi diqqətinizə çatdırırıq:

"Biz 29 oktyabr 2015-ci ildən əməkhaqlarımızı ala bilmədiyimiz üçün artıq əməkhaqqı tələbi ilə aksiyalar keçirməklə yanaşı, bəzi dövlət qrumları ilə görüşlər keçirdik. Görüşlərdə bizə köməklik etmələrini xahiş elədik və sağ olsunlar, başda Azərbaycan Respublikasının Prezident Aparatında bizi qəbul edən Əli müəllim, Əmək və Əhalinin Sosial Müdafiəsi naziri Səlim Müslümov, Əmək Müfəttişliyinin səlahiyyətli şəxsi Emil müəllim, Daxili İşlər naziri Ramil Usubov, Yasamal Rayon Polis İdarəsinin rəisi, Binəqədi Rayon 5-ci polis bölməsinin rəisi Anar müəllim. Səyləri nəticəsində həqiqətən də əməkhaqlarımızın bir qismini aldıq. Yenə də qeyd edirəm, bir qismini - bəzi KİV-lərdə yazılan 5 aylıq əməkhaqqımızı deyil, cəmi 3 ay yarımlıq əməkhaqqımızı aldıq. Bu 3 ay yarımlıq əmək haqqı almağımızla yanaşı, hər şey öz həllini tapmadı. Yenə də içində mən daxil olmaqla mənim kimi "AZƏRİNŞAATSERVİS” MMC-nin 73 % işçisi Beynalxalq Bankdan kredit götürmüşdük və 6 aydır əməkhaqqı ala bilmədiyimiz üçün krediti ödəyə bilmirdik. Bü gün səhər saatlarında əməkhaqqının karta yükləndiyi xəbərini aldığımızda hamı bankomatlara üz tutsaq da, pulsuz qaldıq. Səbəb isə Beynalxalq bank tərəfindən kredit borcu olan şəxslərin kartlarının bloka salınması idi. Mən və mənim kimi kartları blok olunmuş digər həmkarlarım üz tutduq Beynalxalq Banka bunun səbəbini araşdıraq. Bankdan qabağımıza şərt qoyuldu ki, kartdan pulu nağdlaşdırmaq üçün 500-600 AZN alan yeni bir şəxs sizə zamin durmalı və siz 5 aylıq ödənişinizi eləməlisiniz, digər bir şərt isə kreditin tam ödənməsi banka olan borcun sıfırlanmasıdır. İndiki durumda işimizdə baş verən olaylarla əlaqədar, kimsənin zamin durmayacağı zatən hamıya bəllidir. Digər şərt: kreditin tam ödənildiyi hal isə biz işçilərə sərf eləmir. Çünki neçə ay evimizə çörək apara bilmədiyimiz kimi yenə də evə əliboş qayıdası olurduq. Hətta kimlərin ki, köhnə zamini var idi onların beynəlxalq bankda kreditləri olmasa belə, əməkhaqları kartları biz borclulara görə dondurulmuşdu. Köhnə zaminlərin kartları o halda aktiv edilirdi ki, biz banka borclular krediti ödənməsi üçün razılıq verək bütün məbləğə. Mənim kimi bütün işçilər zaminlərə görə məcburan buna razılıq verdik və neçə aylar əməkhaqqısız qaldığımız kimi yenə də pulsuz qaldıq. Yağışda, küləkdə piyada o quruma müraciət elə, bu qruma müraciət elə, sonda qazanan yenə başqası olsun.
Qeyd edim ki, əmək haqlarımızı almamağımız və qeyri-neft sektoru olan şirkətimizin işini dayandırmağı Beynalxalq Bankın sabiq idarə heyətinin sədri Cahangir Hacıyevin öz ərizəsi ilə işdən azad edilməyi və ətrafının, həmçinin bizim şirkətin rəhbər şəxslərinin həbsindən sonra başladı.
İndi gümanımız qalıb şirkətdə qalan ödənməyən əmək haqlarımıza. Bəlkə onda evimizə halal qazandığımız pulu apara bilək. Yenə də əlaqədar qurumlara müraciət edəcəyik. İnşallah bizə yenə yardım əllərini uzadarlar."
Xeberle.com