Ümummilli lider Heydər Əliyevin anım günü ilə əlaqədar Sumqayıt şəhər Heydər Əliyev Mərkəzində elmi-praktik seminar keçirilib.
Mərkəzdən Xeberle.com-a verilən məlumata görə, Sumqayıt şəhər Heydər Əliyev Mərkəzinin Mədəniyyət və Turizm İdarəsi, Təhsil şöbəsi, Gənclər və İdman Baş İdarəsi ilə birgə təşkil etdiyi tədbirdə Mərkəzin direktoru Aygün Zülfüqarlı, Təhsil şöbəsinin metodisti Səxavət Qəmbərov, SDU-nun kafedra müdiri, professor Şirxan Səlimov, Gənclər və İdman Baş İdarəsinin məsul işçisi Ceyhun Hüseynov öz çıxışlarında dahi öndərin xilaskarlıq, quruculuq missisiyasından, Azərbaycan xalqı və dövləti naminə misilsiz xidmətlərindən, təhsilin inkişafına, gənc nəslə qayğısından, Sumqayıta səfərlərindən və bu səfərlərin şəhərin inkişafına olan mühüm təsirlərindən söz açıblar.

O da vurğulanıb ki, bu gün prezident İlham Əliyev tərəfindən ölkəmiz siyasi sabitlik, iqtisadi yüksəliş yolu ilə hərtərəfli, dinamik inkişaf edir.

Ali və orta ixtisas məktəblərinin tələbələrinin, orta məktəblərdən yuxarı sinif şağirdlərinin, gənc müəllimlərin və gənc mütəxəssislərin iştirak etdiyi tədbirdə Heydər Əliyevin həyat və fəaliyyətindən bəhs edən sənədli film və Sumqayıt səfərləri barədə fotoslayd da iştirakçılara təqdim edilib.