Sumqayıt Gənclər Evində "Gələcəyinə biganə qalma” layihəsi çərçivəsində II seminar keçirilib. Layihə Azərbaycan Respublikasının Prezidenti yanında Gənclər Fondunun maliyyə, şəhər Gənclər və İdman Baş İdarəsinin, Sumqayıt Gənclərinin Sağlam Gələcəyi təşəbbüs qrupunun birgə təşkilatçılığı ilə reallaşıb.

Tədbirdə çıxış edən layihə rəhbəri Səxavət Eminov ölkədə aparılan dövlət siyasətinin nəticəsi olaraq gənclərin həyatımızın bütün sferalarında uğurla təmsil olunmasını, qəraralma proseslərində gənclərin etibarlı tərəf kimi tanınmalarını xüsusi qeyd edib.

Daha sonra gənclərin ictimai təşəbbüskarlığının üzə çıxarılması, müxtəlif ictimai-sosial layihələrdə dinamizmin artırılması, gənclərin mədəni həyatda iştirak seqmentinin gücləndirilməsi və bu sahəyə motivasiya istiqamətlərində fikir mübadiləsi aparılıb, qrup çalışmaları təşkil olunub.