Azərbaycan-İsrail Beynəlxalq Tibb Mərkəzinin və Nərimanov rayon Gənclər İdman İdarəsinin təşkilatmçılığı ilə bu gün paytaxtda  "Bir damla, bir həyat” adlı qanvermə xeyriyyə  aksiyası keçirilib.
Qanvermə aksiyası Mərkəzi Qan Bankının həkimlərinin müşayyəti ilə keçirilib. Aksiyada 150-dən çox gənc qan verib.
Aksiya başlamazdan əvvəl gənc donorlara dəstək vermək məqsədi ilə bir sıra tanınmış insanlar nitq söylədi və gənclərin bu cür könüllü qanvermək istəyini alqışaladırlar. Qonaqlar arasında millət vəkili Xanhüseyn Kazımlı, Nərimanov rayonu Gənclər İdarəsinin rəhbəri Nəcəf Novruzov, Beynəlxalq İnsan Hüquqları Komitəsinin sədri Firdovsi Ələkbərov və  bu aksiyanın ən böyük təşəbbüskarlarından biri olan, İsrail Azərbaycan Beynəlxalq Tibb Mərkəzinin rəhbəri, sülhməramlı səfir, insanhüquqları müdafiəçisi, komisar Aleksandr Şapiro Suliman da var idi.
Tədbirdə çıxış edən millət vəkili Xanhüseyn Kazımlı bu cür qanvermə aksiyasının xəstələrin tezliklə şəfa tapması üçün olduqca önəmli bir addım olduğunu vurğuladı. Onun sözlərinə görə, bu cür aksiyada məhz gənclərin iştırak etməsi və cəlb olunması ikiqat uğurdur: "Əgər bu gün bizim sağlam gəncimiz, digər xəstə bir gəncimizi düşünürsə, deməli hələ  də insanlıq ölməyib”.
Daha sonra Nərimanov rayonu Gəcnlər İdarəsinin rəhbəri Nəcəf Novruzov çıxış edərək, Tolesimiya xəstələrinin xüsusi diqqət və qayğı tələb etdiyini bildirib: "Bu məqsədlə bu gün bu gənclər bura üz tutub. Burada sadəcə Koorperasiya Universitetinin tələbələri iştirak edir. Təsəvvür edin, bu cür kampaniya hər bir universitetedə aparılsa, bu xəstələrimizin şəfa tapması üçün bir ümid ola bilər”.
Beynəlxalq İnsan Hüquqları Komitəsinin sədri Firdovsi Ələkbərov öz növbəsində   bu cür aksiyaların insanlıq adına böyük tövhə olduğunu bildirib. Onun sözlərinə görə, İsrail Azərbaycan Beynıəlxalq Tibb Mərkəzinin bu cür xeyriyyə aksiyalarını mütəmadi keçirməsi, yalnız və yalnız Azərbaycan gənclərinin sağlam həyatda yaşamalarına tövhə verəcəkdir. .
Sonda İsrail Azərbaycan Beynəlxalq Tibb Mərkəzinin rəhbəri, sülhməramlı səfir, insanhüquqları müdafiəçisi, komisar Aleksandr Şapiro Suliman həm aksiyaya qatılan qonaqlara, həm də aksiyada iştirak edən könüllü donorlara öz təşəkkürünü bildirdi və bu cür aksiyaların mütəmadi keçiriləcəyini vurğuladı: "Azərbaycan İsrail Beynəlxalq Tibb Mərkəzi fəaliyyət göstərdiyi müddətdə tibbi yardıma ehtiyacı olan hər kəsim ehtiyacları təmin olunacaq. Bəlkə də məhz bu tibb mərkəzində "pulum yoxdur deyə, mülicə oluna bilmirəm” deyənlərə də əl tutulur, yardım göstərilir. Çünki mən bir həkim mütəxəssis kimi hesab edirəm ki, hər kəs sağlam yaşamalıdır”.
Çıxışlardan sonra qanvermə aksiyasına start verildi. İlk olaraq könüllü qan verən  millət vəkili Xanhüseyn Kazımlı, Nərimanov rayonu Gəcnlər İdarəsinin rəhbəri Nəcəf Novruzov və İsrail Azərbaycan Beynəlxalq Tibb Mərkəzinin rəhbəri, Aleksandr Şapiro Suliman tibb mərkəzinə üz tutan könüllü gənc donorlara stimul vermiş oldular.