"Murad Aqro" MMC-nin inzibati binasında oğurluq olub. DİN-dən verilən məlumata görə, Sumqayıt ŞPİ 3-cü PB əməkdaşlarının həyata keçirdikləri əməliyyat-axtarış tədbirləri nəticəsində yanvarın 22-də "Murad Aqro" MMC-nin inzibati binasından 45 manat və görüntü kamerasının yaddaş qurğusunu oğurlamış şəhər sakinləri Samir Nəcəfov, Elşad Həsənov və Şabran rayon sakini Paşa Əkbərov tutulublar. S.Nəcəfovun və E.Həsənovun ətrafında aparılmış əməliyyat tədbirləri ilə onların həmin gün Famil Rəhimova məxsus mağazadan 5985 manat oğurlamaları da müəyyən edilib.