Bu gün Rabitə və İnformasiya Texnologiyaları naziri Ramin Quluzadə Sumqayıta səfər edib. O hazırda Sumqayıt Telekommunikasiya Qovşağında müşavirə keçirir. Keçmiş rəis Akif Əsgərovun işdən çıxarılmasından sonra onun adamları da çemodanlarını yığıb qapıda hazır dayanıblar. Amma idarədəki yeyintilər həmin adamların asanlıqla yaxalarını məsuliyyətdən qurtara bilməyəcəklərini, hətta həbslərin də ola biləcəyini  deməyə əsas verir. Qeyd edək ki, bu il fevralın 1-dən Bakıdan Sumqayıtda TKQ-na 16 nəfərlik komissiya göndərib və komissiya hazırda işini davam etdirir. Buna qədər isə rəis Akif Əsgərov işdən azad edilib, onun yerinə müvəqqəti olaraq İqbal Yusifov təyin edilib, bu gün isə yeni bir rəis təyin olunacağı da gözlənilir. (yenilik.az)