"Hazırda Əmlak Məsələləri Dövlət Komitəsi tərəfindən mülkiyyətlərindəki torpaqların xəritəsinə malik olmayan bələdiyyələrin xəritələri işlənilib hazırlanır, Milli Məclisə təqdim olunur”.
Bunu APA-ya açıqlamasındaƏdliyyə Nazirliyi Bələdiyyələrlə İş Mərkəzinin sədri Mehdi Səlimzadə deyib.
M. Səlimzadə bildirib ki, xəritələr Milli Məclisdə dövlət reyestrinə daxil edilir: "Hazırda 100-dən çox bələdiyyənin xəritəsi hazırlanaraq təqdim olunub. Bu, yüngül iş deyil, xeyli vaxt tələb edir. Ancaq artıq bu iş həyata keçirilir, proses gedir”.
M. Səlimzadə bələdiyyələr tərəfindən fiziki şəxslərdən torpaq və əmlak vergisinin toplanmasına da toxunub: "Bu ilin əvvəlində bələdiyyələr tərəfindən vergilərin nağdsız yığılması ilə bağlı çətinliklər var idi. Çünki qanun qəbul edildi ki, əhali vergiləri nağdsız qaydada ödəsin. Keçid dövrü ilə bağlı Ədliyyə Nazirliyi bələdiyyələrin maarifləndirilməsi üçün onlara izah xarakterli tövsiylər verib”.
Qeyd edək ki, Azərbaycanda əsasən Bakı və Sumqayıtdakı bələdiyyələrin bir qisminin mülkiyyətlərində olan torpaqlarla bağlı xəritələri yoxdur.
Xəbərdən istifadə edərkən istinad etmək vacibdir.