Sumqayıt şəhər Gənclər və İdman Baş İdarəsinin təşkilatçılığı ilə  Sumqayıt Gənclər Evində "Layihə yazılışı” mövzusunda ikigünlük təlim keçirilib.
Təlimdə Bakı şəhərindən də olmaqla şəhərimizin müxtəlif sahələrini təmsil edən 45-ə yaxın fəal gənc iştirak edib.
Təlimçi "Demokratik Gənclər İctimai Birliyi”nin sədri Ramil Süleymanov tərəfindən verilən təlimdə gənclərə layihə yazılışı və planlaşdırma mərhələləri, problemin təsviri, məqsəd və vəzifələrin müəyyənləşdirilməsi, fəaliyyətlərin idarə olunması, risk və indikatorlardan istifadə, büdcə və icra planı tərtibatı kimi istiqmətlər interaktiv metodlarla izah edilib, gənclər arasında layihə yazılışı üzrə qrup çalışmaları təşkil edilib. Böyük maraqla dinlənilən təlimdə iştirakçılar təlimçiyə ünvanladığı suallarada cavab tapıblar. 
Təlimin 2-ci günündə çıxış edən Baş İdarənin rəis əvəzi Mübariz Bəşirov ölkədə aparılan uğurlu dövlət siyasətinin nəticəsi olaraq artıq gənclərin cəmiyyətin bütün sferalarında uğurla təmsil olunduğunu, gənclərin Azərbaycan dövlətinə və dövlətçiliyinə hörmət ruhunda tərbiyə olunmasının vacibliyini vurğulayıb. O qeyd etdi ki, Sumqayıtda dövlət gənclər siyasətinin uğurla həyata keçirildiyi şəhərlərdəndir. Bu gün şəhərimizdə aparılan yenidənqurma və abadlıq işləri, bu işlərdə gənclərin təşəbbüslərinə yer verilməsi, təkliflərinin dinlənilməsi şəhər rəhbərliyinin gənclərə olan diqqət və qayğısının bariz nümunəsidir.
Sonda hər bir təlim iştirakçısına Baş İdarənin sertifikatı təqdim edilib və növbəti təlimin cari ilin 11-12 mart tarixində keçirilməsinin planlaşdırılığı bildirilib.