Bakı-Sumqayıt sürət qatarlarının hərəkətində yaranan problem aradan qaldırılıb. Bunu "Report"a açıqlamasında "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov deyib.
N. Əzməmmədovun sözlərinə görə, yaranan problem relslərə verilən elektrikin kəsilməsi ilə əlaqədar olub:
"Problem elektrik kəsintisindən yaranıb və saat 9:00 radələrində hərəkət bərpa edilib və bu dəqiqlələrdə Sumqayıtdan gələn qatar platformaya daxil oldu".

***
Bakı-Sumqayıt sürət qatarlarının hərəkətində problem yaranıb

Hazırda minə yaxın sərnişin bilet alaraq qatar gözləyir
Səhər saatlarında Bakı-Sumqayıt sürət qatarlarının hərəkətində problem yaranıb.
"Report" xəbər verir ki, bu gün səhər 7:45 və 08:00 radələrində sənaye şəhərindən paytaxta doğru yola çıxmalı olan qatarlar nəzərdə tutulan vaxtda dayanacağa gəlməyib.
Hazırda minə yaxın sərnişin bilet alaraq qatar gözləyir. Sərnişinlərin bir qisminin biletdən imtina edərək dayanacağı tərk etdiyi bildirilir.
Qeyd olunur ki, qatarlar problem səbəbindən Güzdəkdə qalıb.Bu gün səhər saat 08:00 radələrində Sumqayıtdan Bakı istiqamətində hərəkət edən elektrik qatarlarında problem yaranıb. Bu barədə "Azərbaycan Dəmir Yolları" QSC-nin Mətbuat Katibliyinin rəisi Nadir Əzməmmədov bildirib.

 Onun sözlərinə görə, buna səbəb elektrik enerjisi təchizatında yaranan problem səbəb olub: "Qatarların hərəkətində problem Xırdalanda yaranıb və bu da təbii olaraq digər yerlərdə də olan qatarların dayanmasına səbəb olub".

 Problemin aradan qaldırılmasına 1 saata yaxın vaxt sərf olunub ki, nəticədə qatarların hərəkətində bir o qədər gecikmə olub.

 Son məlumatlara əsasən, 09:30 radələrində Sumqayıtdan gələn qatar Bakıda stansiyaya qəbul olunub.(apa)