Sumqayıt şəhər Heydər Əliyev Mərkəzində
Xocalı faciəsinə həsr olunmuş tədbir keçirilib. Mərkəzdən Xeberle.com-a verilən
məlumata görə ilk olaraq rəsm sərgisinə baxış keçirən münsiflər heyəti və tədbir
iştirakçıları yeniyetmə yaşlarında olmalarına baxmayaraq şagirdlərin Xocalı
faciəsini dərindən anlayaraq bu ağrı-acını ifadə etdiklərini, xalqımızın sınmaz
qəhrəmanlıq ruhunu təsvir etdiklərini bildiriblər.
Sonra dəyirmi masa ətrafında davam edən tədbirdə
Mərkəzin direktoru Aygün Zülfüqarlı, SDU-nun Azərbaycan tarixi kafedrasının
müdiri, dosent Əmirxan İsayev , Mədəniyyət və Turizm İdarəsinin məsləhətçisi
Ceyran Axundova, Əli Kərim adına poeziya klubunun müdiri, şair İbrahim İlyaslı,
Gənclər və İdman Baş İdarəsinin məsul işçisi Ceyhun Hüseynov, "Dünya” TV-nin
efir direktoru Elnarə Eminova, rəssam Nəsibə Şükürlü öz çıxışlarında günahsız
insanlara, uşaqlara, qocalara belə amansız divan tutan vəhşi erməni
vandallarının Xocalıda insanlığa sığmayan əməllər törətdiyini qeyd ediblər.
Xocalı faciəsinə siyasi-hüququ
qiymət verilməsinin Ümummilli Liderimiz Heydər Əliyevin adı ilə bağlı olduğunu,
Xocalı soyqırımının, ümumilikdə Azərbaycan həqiqətlərinin dünya ictimaiyyətinə
çatdırılmasında Heydər Əliyev Fondunun və "Xocalıya ədalət” kampaniyası ilə
bütün dünyanı haqqı ədaləti dəstəkəməyə çağıran Fondun I vitse-prezidenti Leyla
Əliyevanın bu istiqamətdəki dəyərli fəaliyyəti vurğulanıb.
Tədbir iştirakçıları əmin
olduqlarını bildiriblər ki, Prezident İlham Əliyevin apardığı uğurlu daxili və
xarici siyasəti nəticəsində Azərbaycan öz ərazi bütövlünü bərpa edəcəkdir.
Sonra Xocalı soyqırımından bəhs edən
sənədli film nümayiş olunub.
Sumqayıt şəhər Mədəniyyət və
Turizm İdarəsinin və Gənclər və İdman Baş İdarəsinin dəstəyi ilə keçirilən tədbirin
sonunda rəsm sərgi müsabiqəsində fərqlənən iştirakçılar Bülbül adına, S.Rüstəmov
adına və Ə.Bakıxanov adına İncəsənət Məktəblərinin, N.Nərimanov adına Mədəniyyət
Mərkəzinin, C.Cabbarlı adına və Şəhər Mədəniyyət evlərinin şagirdləri
mükafatlandırılıblar.
Mərkəzi Kitabxananın dəstəyi ilə
Xocalı soyqırımını haqda nəşrlər də sərgilənib.
Qeyd edək ki, Təhsil şöbəsi ilə birgə orta
ümumtəhsil məktəblərinin şagirdlərinin Xocalı faciəsinə həsr olunmuş sərgiyə
baxışı və onlara Xocalı soyqırımından bəhs edən sənədli film nümayişi təşkil edilib.
Xəbərdən istifadə edərkən istinad etmək vacibdir.