Bu gün Xocalı faciəsinin 24-cü il dönümü ilə bağlı Belçikanın Brüssel şəhərində Azərbaycan-Belçika Dostluq Cəmiyyətinin  təşkilatçılığı ilə etiraz aksiyası keçirilib.
Avropa Parlamenti və Ermənistan səfirliyi qarşısında keçirilən etiraz aksiyasında ''Erməni terrorunu lənətləyirik" və ''Xocalıya ədalət istəyirik" şüarları səsləndirilib. 
Aksiyada iştirak edən insanlar tərəfindən ermənilərin 1992-ci ildə Xocalının dinc sakinlərini vəhşicəsinə öldürməsi, dinc insanları əsir götürüb vəhşicəsinə qətlə yetirmələri pislənilib. Aksiyada Belçika, eləcə də yaxın ölkələrdə yaşayan həmyerlilərimizlə yanaşı, Azərbaycan və Türkiyədən olan türklər də iştirak ediblər. 
Azərbaycan Qardaşlıq və İşbirliyi Dərnəyinin rəhbəri, Dünya Azərbaycanlıları Konqresinin sədr müavini Asif Qurban bildirib ki, mitinq istənilən səviyyədə baş tutub: "Düşmənə mesajımız çatdırdıq.Erməni səfirliyinin əməkdaşları qorxaq kimi binanın pəncərəsindən aksiyamızı videokamera ilə çəkirdilər."
Xeberle.com