Sumqayıt şəhərinin bir çox hissəsində əhalinin su ilə təminatında problemlər yaranıb. Belə ki, şəhərin bir sıra ərazilərində içməli suyun verilməsi məhdudlaşdırılıb.

Məsələ ilə bağlı Sumqayıt Su-kanal İdarəsinin rəisi Darvin Hüseynovla əlaqə saxladıq. İdarə rəisi Xeberle.com-a bildirdi ki, yeni layihənin qoşulması ilə əlaqədar olaraq Sumqayıt şəhərində suyun verilməsində müəyyən fasilələr yaranıb və artıq bu gündən əhalinin su ilə təminatı bərpa olunub: "Hazırda şəhər əhalisinin 70-80% su ilə təmin edilir. Yaxın 2 saat ərzində şəhər su ilə tam təmin olunacaq.”

Xatırladaq ki, 40-cı məhəlləyə yeni su xəttinin çəkilməsi ilə əlaqədar olaraqmartın 4-dən 2,6,11,13 mikrorayonlarda, 34,45,47-ciməhəllələrdə tam, həmçinin 1, 4,5,10, 12,17-ci mikrorayonların və Corat qəsəbəsinin bəzi hissələrinə suyun verilməsində məhdudiyyət yaranmışdı.
Xeberle.com