Bakıda "ASAN Xidmət” könüllülərinin qadın komandaları arasında keçirilən voleybol çempionatı başa çatıb.

AZƏRTAC xəbər verir ki, yarışlar hər il martın 5-də qeyd olunan (Azərbaycan Respublikası Prezidenti İlham Əliyevin 4 mart 2005-ci il tarixli Sərəncamına əsasən) Bədən Tərbiyəsi və İdman Gününə həsr olunub.

Final qarşılaşmasında iki komanda görüşüb: 5 saylı Bakı mərkəzi və Sumqayıt filialı. Hər iki setdə 25:18 hesabı ilə rəqiblərinə üstün gələn paytaxt komandası turnirin qalibi olub.

Üçüncü yeri 1 saylı Bakı mərkəzi tutub.

İlk üç yeri tutan komandalar medal və diplomlarla mükafatlandırılıb. Yarışın qalibinə çempionatın kuboku təqdim olunub.
Azərtac