"2015-ci il ərzində 2017 nəfər narkotik istifadəçisi qeydə alınmaqla xəstələrin ümumi sayı 28555 nəfərə çatıb”.

Məlumatına görə, bu, Narkomanlığa və Narkotik Vasitələrin Qanunsuz Dövryyəsinə Qarşı Mübarizə üzrə Dövlət Komissiyasının hazırladığı "Azərbaycan Respublikasında narkotiklərə nəzarət sahəsində 2015-ci il üçün Ölkə Məruzəsi”ndə əksini tapıb.

Onlardan 23153-ü dispanser, 5402-i profilaktik, 583-ü anonim qeydiyyatda olanlardır. İstifadəçilər arasında 18 yaşa qədər 7 nəfər, 592-i qadın, 1432-i dispanser, 585-i profilaktik, 158 nəfəri isə toksikomanlar olub. 2015-ci ildə qeydiyyatdan çıxanların ümumi sayı 2118 (1331-i dispanser, 787- i profilaktik) nəfərdir.

Bundan başqa inyeksion narkotik istifadəçilərinin sayı 20036 nəfər təşkil edir ki, onlardan 437 nəfəri qadındır.

Eyni zamanda 2015-ci il ərzində narkomaniyaya düçar olmuş insanların qanının İİV-ə müayinəsi nəticəsində, onlardan 42 İİV-infeksiyasına yoluxma faktı təsdiq olunub.(AzVision.az )