«Azərikimya» İB-nin kollektivi Novruz bayramı ərəfəsində aztəminatlı ailələr və əlillər cəmiyyətlərinin üzvləri ilə görüşüb.
«Azərikimya» İstehsalat Birliyinin kollektivi xalqımızın və bütün türk dünyasının ən əziz və ən gözəl bayramlarından olan, insanları əmin-amanlığa, birlik və həmrəyliyə, saflığa və təmizliyə səsləyən Novruz bayramı ərəfəsində Əlil Qadınlar Cəmiyyəti Sumqayıt şəhər təşkilatının, Əlillərin Beynəlxalq Əməkdaşlığı uğrunda Cəmiyyətin, Müharibə, Əmək, Silahlı Qüvvələr Veteranları Şurasının üzvləri, Şəhid ailələri və Qarabağ əlillərinin "Rahib” Xeyriyyə Cəmiyyətinin, Sumqayıt şəhər Ağsaqqallar Şurasının, Respublika Gözdən Əlillər Cəmiyyətinin Sumqayıt şəhər şöbəsinin, şəhərin aztəminatlı ailələrinin uzvləri, həmçinin Qızıl Aypara Cəmiyyəti Sumqayıt şəhər bölməsinin qeydiyatında olan bir qrup insanlarla görüşüblər.
Görüşdə imkansiz ailələrin və əlillərin yaşayış tərzi, ailə-məişət qayğıları, onların arzu və istəkləri dinlənilib. 
Novruz bayram münasibətilə «Azərikimya» İB tərəfindən 1000 nəfərdən artıq şəhid, əlil və veteran ailələrinə, aztəminatlı insanlara, həmçinin vaxtilə "Azərikimya”da çalışmış peşə xəstəliyi olan veteran və təqaüdçülərə bayram sovqatı paylanılıb.