Azərbaycanlıların Soyqırımı Günü ilə əlaqədar Qubadlı rayonunun idarə, müəssisə və təşkilatlarında, təhsil ocaqlarında müxtəlif səpkili tədbirlər keçirilib.
Növbəti belə tədbirdə soyqırımı qurbanlarının və torpaqlarımızın azadlığı uğrunda şəhid olanların xatirəsi bir dəqiqəlik sükutla yad edilib.
Tədbir 31 Mart - Azərbaycanlıların Soyqırımı Günündən bəhs edən videoçarxın nümayişı ilə başlayıb.
YAP Qubadlı rayon təşkilatının sədri Allahverdi Haqverdiyev və rayon icra hakimiyyəti başçısının müavini Xoşqədəm Alıyeva çıxış edərək, 1918-ci ilin martında baş verən hadisələr haqqında geniş məlumat veriblər.
Qeyd olunub ki, bu gün erməni böhtanlarının ifşası, Azərbaycan həqiqətlərinin dünya ictimaiyyətinə çatdırılması istiqamətində Prezident İlham Əliyev tərəfindən ardıcıl və prinsipial siyasət həyata keçirilir. Bu sahədə Heydər Əliyev Fondunun misilsiz xidmətləri var. Xüsusilə "Xocalıya ədalət” beynəlxalq təbliğat-təşviqat kampaniyası Azərbaycan xalqına qarşı törədilmiş soyqırımları haqqında həqiqətin dünyaya çatdırılması üçün həyata keçirilən məqsədyönlü fəaliyyət istiqamətlərindəndir.
Sonra tədbirdə "Soyqırımı - Qubadlı bölgəsində erməni vəhşilikləri”, "1918-ci ildə Azərbaycan ərazisində ermənilərin törətdikləri qətliamlar” mövzularında məruzələr dinlənilib. Çıxışlarda vurğulanıb ki, mənfur qonşularımızın hər cür məkrli əməllərinə hazır olmaq üçün tariximizi daha yaxşı öyrənməli və öyrətməliyik.
Xəbərdən istifadə edərkən istinad etmək vacibdir.