Sumqayıt daha bir şəhid verib.
Belə ki, cəbhə xəttində gedən döyüşlərdə 1996-cı il təvəllüdlü Bayramov Şulan Bayram oğlu qəhrəmancasına şəhid olub. Mərhumun cənazəsi yaxın saatlarda yaşadığı ünvana – 13-cü mikrorayon ev 4-ə gətiriləcək. 
Sumqayıt sakinləri qəhrəman oğlunu böyük qürur və iftixar hissi ilə qarşılamaq üçün küçələrə axışıblar. Şəhidin yaşadığı binanın qarşısında böyük izdiham yaşanıb.

Gənclər hər an Azərbaycan əsgərinin yanında olduqlarını, Azərbaycan Respublikası Silahlı Qüvvələrinin Ali Baş Komandanı əmr verərsə, ön cəbhəyə gedib doğma torpaqlarımızı azad edənədək vuruşmağa hazır olduqlarını bildiriblər. Azərbaycan dövlət himni oxunub, "Şəhidlər ölməz, Vətən bölünməz”, "Yaşasın Qarabağ, yaşasın Azərbaycan!”, "Qarabağ bizimdir, bizim olacaq”, "Azərbaycan əsgəri, keç səngərdən irəli” şüarları səsləndirilib.

Xeberle.com