"Sumqayıt Gənclər Evi”ndə Gənclər və İdman Baş İdarəsinin və Sumqayıt Dövlət Universitetinin tələbə-gənclər təşkilatının birgə təşkilatçılığı ilə "Ekoloji təhlükəsizlik” mövzusunda maarifləndirici xarakterli görüş keçirilib. 
Tədbirdə tələbə-gənclərlə yanaşı, şəhərin müxtəlif sahələrini təmsil edən ictimai-fəal gənclər də iştirak ediblər. Məqsəd gənclərin ekoloji mədəniyyət səviyyəsinin təkmilləşdirilməsi və ətraf mühitin mühafizəsinə cəlb edilməsi olub.
Tədbir çərçivəsində gənclər arasında ətraf mühitin mühafizəsinin vacibliyi ideyalarını geniş təbliğ etmək məqsədilə video çarx nümayiş etdirilib. 
Sonda iştirakçılara ətraf mühit və təbii sərvətlərin qorunmasında ekoloji maarifləndirmənin rolu, su ehtiyatlarının idarə olunması, xüsusi mühafizə olunan təbiət ərazilərinin inkişafı, Azərbaycan Respublikasının ekoloji siyasəti, iqlim dəyişmələri haqqında geniş məlumatlar verilib.