Sumqayıt Şəhər İcra Hakimiyyətində 2016-ci ilin I rübünün sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağı keçirilib.
Xeberle.com-un məlumatına görə çıxış edən Sumqayıt Şəhər İcra Hakimiyyətinin başçısı Zakir Fərəcov əldə edilmiş uğurlarla yanaşı problemlərdən də danışıb. İcra hakimiyyətinin başçısının çıxışında diqqət çəkdiyi məsələlərdən də biri qanunsuz ət kəsimi olub.
Sumqayıtda məhəllə və mikrorayon daxili həyətlərdə ət kəsimi məsələsinə toxunan şəhər İcra Hakimiyyətinin başçısı bildirib ki, bu çox ciddi problemdir və sakinlər tərəfindən ciddi narazılığa səbəb olur. "Qanunsuz olaraq bu cür fəaliyyət göstərən şəxslərlə mübarizə aparmaq lazımdır. Çünki bu həm şəhərin görünüşünə xələl gətirir, həm də antisanitariya baxımından yol verilməzdir. Bununla bağlı mən bölmə rəislərinə, eləcə də mənzil istismar sahələrinin rəhbərlərinə göstəriş vermişəm. Bu cür qanunsuz hallar aradan qaldırılsın. Ət kəsmimi ancaq müəyyən olunmuş dükanlarda və yerlərdə aparıla bilər”, - deyə Zakir Fərəcov bildirib.
Xeberle.com