Sumqayıtda yerləşən Qubadlı rayon Xələc kənd tam orta məktəbinin 2-ci sinif şagirdləri Şəhidlər xiyabanını ziyarət ediblər.
Məktəbin2-ci sinif şagirdləri ilə yanaşı mərasimə onların müəllimləri də qatılıb. Şagirdlər Azərbaycanın azadlığı və ərazi bütövlüyü uğrunda canlarından keçən vətən oğullarının xatirəsinə şeirlər ifa ediblər. Vətən uğrunda şəhid olanların məzarlarına tər çiçəklər qoyulub, xatirələri ehtiramla yad edilib.
İbtidai sinif müəlliməsi Günel Əliyeva bildirib ki, tədbirin məqsədi məktəblilərə vətənpərvərlik hissini aşılamaqdır.
Qeyd edib ki, məktəblilər hər zaman vətənlərini sevməlidirlər.
O,vurğulayıb ki, bu tip maarifləndirmə tədbirlərinin gələcəkdə də davam etdirilməsi planlaşdırılır.
Xəbərdən istifadə edərkən istinad etmək vacibdir.
