Xeberle.com-un məlumatına görə "Müasir Oftalmologiyanın İnkişafına Yardım" Birliyinin sədri, oftalmoloq Emin Əlihüseynli Türk Cümhuriyyətləri Oftalmologiya Cəmiyyətinin İdarə heyətinin səs çoxluğu ilə cəmiyyətin Gənc Oftalmoloqlar Komitəsinin sədri seçilib.
Qeyd edək ki, Türk Cümhuriyyətləri Oftalmologiya Cəmiyyəti 2001-ci ildə Dr. Sunay Duman tərəfindən təsis edilib və Azərbaycan, Qazaxstan, Qırğızıstan, Özbəkistan, Türkiyə, Türkmənistan, həmçinin Şimali Kipr Türk Cümhuriyyətindən olan 7 türkdilli ölkənin oftalmoloqlarını ümumi amal ətrafında birləşdirir. Cəmiyyətin gənc oftalmoloqlar komitəsi 2010-cu ildən təsis edilib və qeyd edilən ölkələrdə çalışan və 40 yaşa qədər olan oftalmololqlarlın birgə elmi, eləcə də ictimai fəaliyyətini təmin etmək üçün nəzərdə tutulub.
Komitəyə 2016-cı ilə qədər Dr. Faiq Orucoğlu rəhbərlik edib. Dr. Emin Əlihüseynlinin sədrlik dövrü 2016-2019-cu illəri əhatə edəcək.