ASAN Könüllüləri”nin başlatdığı "Əsgərə Məktub!” layihəsi davam edir. Sumqayıt sakinləri də "ASAN Xidmət” mərkəzində ayrılmış xüsusi məntəqələrə yaxınlaşaraq yazdıqları məktubları "Əsgərə Məktub!” qutusuna atırlar. Bununla onlar Azərbaycan Silahlı Qüvvələrinin əsgərlərinə göstərdiyi möhkəm iradəyə görə minnətdarlığını, var gücü ilə dəstəyə və döyüşə hazır olduğunu bildirirlər. Dövlətimiz tərəfindən hər cür maddi-texniki resurslarla təmin olunmuş Azərbaycan əsgərinə ən böyük ehtiyacı olan mənəvi dəstək, vətəndaşlarımızın ünvanladığı məktublarla çatdırılır.
Bu prosesə Sumqayıt məktəbləri də qoşulub.  Artıq Sumqayıt şəhər 34 saylı orta məktəbin 1-11-ci sinif şagirdləri vətənin keşiyində duran əsgərlərə göndərmək üçün 500 məktub yazıblar.