Bu gecə Tərtərin Qapanlı kəndi istiqamətinə diversiya hücumu etmiş Ermənistan ordusu hücum zamanı Azərbaycan tərəfindən əldə etdiyi hərbi qəniməti açıqlayıb. 

ANS PRESS-in məlumatına görə, “Armenpress” portalında yayımlanan şəkillərdə Ermənistan ordusunun Azərbaycan əsgərlərindən ələ keçirdiyi “hərbi qənimət” bir ədəd ratsiya aparatı və bir ədəd tüstüburaxandan ibarət olub. 

Xatırladaq ki, Ermənistan ordusunun gecə saat 2-də başladığı diversiya hücumu gecə saat 5-ə qədər çəkib. Düşmən Tərtər rayonunun Qapanlı kəndi yaxınlığındakı postlarımızı ələ keçirməyə çalışıb. Amma onlar geri oturdulublar. Hazırda ərazi tam Azərbaycan silahlı birləşmələrinin nəzarətindədir.