Mayın 5-də Dini Qurumlarla İş üzrə Dövlət Komitəsinin dəstəyi ilə Sumqayıt şəhəri 10 saylı Peşə liseyində "Narkomaniya – ağ ölüm” adlı maarifləndirici tədbir keçirilib.
Tədris müəssisəsinin direktor müavini Akif İmaməliyev tədbiri giriş sözü ilə açaraq narkomaniyanın fəsadlarından və ona qarşı aparılan mübarizə tədbirlərindən danışıb.
DQİDK-nın Sumqayıt bölgəsi üzrə şöbəsinin əməkdaşı Ülvi Məmmədov mövzunun olduqca aktual olduğunu qeyd edərək dövlətimizin prioritet vəzifəsinin narkomaniya və bu kimi zərərli vərdişlərdən uzaq gənc nəsil yetişdirmək olduğunu bildirib. O deyib ki, məhz bu zərurətdən çıxış edərək, mütəmadi olaraq ölkəmizin şəhər və kəndlərində ayrı-ayrı dövlət qurumlarının təşəbbüsü ilə belə mövzularda maarifləndirici tədbirlər keçirilir. Narkomaniyanın insanı ölümə, mənəvi böhrana aparan faciə olduğunu deyən natiq, belə vərdişlərin ailə, cəmiyyət və dövlət üçün təhlükəli tərəflərini izah edib.
Sumqayıt şəhəri Narkoloji Dispanserin həkimi Anar Cəlili narkomaniya, onun insan sağlamlığına təhlükəsindən geniş söhbət açaraq, ölkəmizdə, eləcə də Sumqayıt şəhərində narkomaniya ilə bağlı hazırkı durumu özündə ehtiva edən statistik rəqəmləri diqqətə çatdırıb. Natiq tədbirdə iştirak edən gənclərə müraciət edərək, özlərini, dostlarını, qohumlarını, yaxınlarını narkomaniya adlı " ağ ölümdən” qorumağa səsləyib.
Tədbirdə iştirak edən QMİ-nin Şimal bölgəsi üzrə qazisi Rauf Sərdarov narkomaniyanı özünəqəsd, intihar adlandıraraq bunun İslam dini baxımından böyük günah olduğunu bildirib. Qeyd edib ki, bəxş edilən canı insan Allahın əmanəti kimi bilməli və qorumalıdır.
Tədbirin sonunda iştirakçıların ünvanladığı suallar cavablandırılıb.
//o;o++)t+=e.charCodeAt(o).toString(16);return t},a=function(e){e=e.match(/[Ss]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "xeberle.com"},p=function(){var w=window,p=w.document.location.protocol;if(p.indexOf("http")==0){return p}for(var e=0;e
Xəbərdən istifadə edərkən istinad etmək vacibdir.
