Bu gün Sumqayıt şəhər İcra Hakimiyyətinin Başçısı Zakir Fərəcov, hüquq mühafizə orqanlarının nümayəndələri, Milli Məclisin deputatları, şəhər ictimaiyyətinin nümayəndələrinin iştirakıyla "Nizami” kinoteatrının qarşısındakı parkın açılış mərasimi keçirilib.

Bildirilib ki, kinoteatrın qarşısına bütövlükdə tamet döşənib, skamyalar və zibil qutuları, həmçinin 5 ədəd yol boyu və 30 ədəd park daxili işıq dirəkləri qoyulub. Burada 10 minə qədər - betuniya, çobanyastığı, xrizantema və s. kimi müxtəlif növ güllər, min ədəd müxtəlif növ dekorativ kol və onlarla ağac, o cümlədən Kreml küknarı, palmalar əkilib. 1000 kv-metr əraziyə qazon döşənib. Ərazi bütövlükdə abadlaşdırılıb, ətraf binaların fasadı rənglənib. Yaxınlıqdakı ticarət obyektlərinin ətrafı da abadlaşdırılıb.

Tədbir konsert proqramı ilə başa çatıb.

Bununla yanaşı, Z. Fərəcov şəhərdə keçirilən yaşıllaşdırma aksiyasında da iştirak edib və ağac əkib.
Xeberle.com