Astara rayonunda vətəndaş cəmiyyəti instutlarının fəaliyyəti genişlənir.
Xeberle.com-un məlumatına görə, "Əlil Sahibkarlar Təşkilatı” İctimai Birliyinin
(ƏSTİB) və "Vətəndaşların Sosial
Rifahının Gücləndirilməsinə Dəstək” İctimai Birliyinin (VSRGDİB) Astara
rayonunda yerli nümayəndəliyinin yaradılması ilə bağlı təsis yığıncağı
keçirilib.
Təsis yığıncağında Astara rayon İcra Hakimiyyətinin, Əmək və
Əhalinin Sosial Müdafiəsi Nazirliyinin Sosial Müdafiə Mərkəzinin nümayəndələri ilə yanaşı digər təşkilat və orqan nümayəndələri də iştirak ediblər.
"Əlil Sahibkarlar Təşkilatı” İctimai Birliyinin
Mirzə Məmmədvəliyev çıxış edərək rəhbərlik etdiyi təşkilatın fəaliyyətindən söz
açıb, həyata keçirilən layihələrdən və gələcək planlardan bəhs edib. M.Məmmədvəliyev
Astara rayonunda rəhbəri olduğu təşkilatın yerli nümayəndəliyinin fəaliyyətə
başlamasının təqdirəlayiq olduğunu bildirib.
O, rayonda əlilliyi olan insanların cəmiyyətə
inteqrasiyası, sosial rifah halının yaxşılaşdırılması istiqamətində səy göstərəcəklərini
vurğulayıb.
Çıxışlardan sonra yığıncaq iştirakçılarını
maraqlandıran suallar cavablandırılıb.
Təşkilat rəsmiləri Astara rayonunda bir çox rəsmi
görüşlərlə yanaşı əlilliyi olan Astara sakinlərinin sosial durumunu da monitorinq
ediblər.
Xəbərdən istifadə edərkən istinad etmək vacibdir.
