Xeberle.com-un məlumatına görə, sumqayıtlı iş adamı Əhədov Ağamirzə Qulam oğlu uzun sürən xəstəlikdən sonra 79 yaşında dünyasını dəyişib. Məlumata görə Ağamirzə Əhədov Almaniyada müalicə alırmış. İki gün öncə vətənə qayıdıbmış. Mərhum sabah doğulduğu kənddə torpağa tapşırılacaq.
A. Əhədov 18 oktyabr 1937-ci ildə Ucar rayonunun Çiyni kəndində anadan olub. O, 1959-cu ilin yanvarında Sumqayıta gəlib və Azərbaycan Boruyayma zavodunun marten sexində işə başlayıb.
1968-ci ildə Sverdlovsk Sənaye institutunu bitirib, iqtisadçı ixtisasına yiyələnib.
1985-ci ildə Sumqayıt şəhər Kolxoz bazarının direktoru təyin edilib.
1997-ci ildə «Sumqayıt bazarı» firmasının direktoru, 2004-cü ildən «Sumqayıt bazarı» firmasının bazasında yaradılmış «Karvan İstehsalat Kommersiya Şirkəti» Məhdud Məsuliyyətli Cəmiyyətinə sədrlik edirdi.
1999-cu və 2004-cü illərdə Sumqayıt şəhər bələdiyyəsinin üzvü seçilib. YAP Sumqayıt şəhər təşkilatının şura üzvüdür. Ailəlidir, 5 övladı var.
Allah rəhmət eləsin!
Xəbərdən istifadə edərkən istinad etmək vacibdir.
