Reytinqin hazırlanması zamanı 50 əmtəə və xidmətlərin qiymətləri nəzərə alınıb.
"Numbeo” portalı tərəfindən yaşayış və səyahət üçün dünyanın ən ucuz və bahalı ölkələrinin reytinqi hazırlanıb. Siyahıda ümumilikdə 122 ölkə yer alıb.
Oxu.Az "dixinews.kz” istinadən xəbər verir ki, yaşayış imkanları ucuz ölkələr onluğunda Azərbaycan 9-cu yerdə qərarlaşıb.
Siyahıya əsasən, yaşayış üçün ən ucuz həyat Hindistandadır. Onluqda yer alan digər ölkələr Moldova, Pakistan, Qazaxıstan, Nepal, Ukrayna, Gürcüstan, Əlcəzair, Kolumbiyadır.
Yaşayış və turizm üçün ən bahalı ölkələr siyahısında isə Bermud adaları, İsveçrə, Baham adaları, Norveç, İslandiya, Danimarka, Sinqapur, Lüksemburq, Küveyt, Honq Konq yer alır.
Reytinqin hazırlanması zamanı 50 əmtəə və xidmətlərin - qidalanma, daşınmaz əmlakın icarəsi, restoranların orta qiyməti, taksilərin qiyməti, asudə vaxtın təşkili, kommunal xidmətlərin və mobil telefonların qiymətləri nəzərə alınıb.
Xəbərdən istifadə edərkən istinad etmək vacibdir.
