03 - 17 iyun 2016 – cı il tarixində Azərbaycan
Respublikasının Prezidenti yanında Qeyri-Hökumət Təşkilatlarına Dövlət Dəstəyi
Şurasının maliyyə dəstəyi, "Bizim Nəsil” Gənclərin regional İnkişaf
Assosiasiyası İctimai Birliyinin təşkilatçılığı ilə Binəqədi, Qəbələ və Sabirabad rayonlarında "Dini radikallığa və ekstremizmə qarşı
effektiv mübarizə yolları” mövzusunda konfranslar keçirilib. Layihənin məqsədi
dini mühitdə radikallığa və ekstremizmə meyllərin öyrənilməsi, dəyərləndirilməsi,
bu meyllərin qarşısının alınması üçün səmərəli metodların aşkara çıxarılması,
Azərbaycanın müxtəlif bölgələrində cəmiyyətin, xüsusilə də gənc nəslin ənənəvi
dini və milli dəyərlərimiz, bu dəyərlərin ümdə prinsipləri haqqında doğru və
sağlam mənbələrə əsaslanan biliklərlə təmin olunması, kompleks tədbirlərin
effektini daha da artırmaq üçün müvafiq qurumlara təkliflərin verilməsidir.
Layihə çərçivəsində Binəqədi,
Qəbələ və Sabirabad rayonlarında keçirilən
konfranslar zamanı yerli
İcra Hakimiyyətləri yanında Dini İşlər üzrə Komissiyalar, yerli idarəetmə
orqanları, rayon Ağsaqqallar Şurası, Gənclər və İdman İdarələri, yerli mətbuat
orqanları, ziyalılar, təhsil işçiləri, dini icma nümayəndələri, regionun din
xadimlərinin iştirakı ilə ictimai müzakirələr aparılıb, gənclərin radikal cərəyanlara
meyllənməsi barəsində fikir mübadiləsi həyata keçirilmiş, təkliflər səsləndirilib.
Vətəndaş cəmiyyəti quruculuğunda dindar kəsimin fəal iştirakının təmin edilməsi,
dindarların cəmiyyətə inteqarasiyasının sürətləndirilməsi, dindarların özlərini
cəmiyyətdən və dövlətdən kənar hiss etmə kompleksinin aradan qaldırılması
istiqamətində maarifləndirmə işlərinin aparılması vacibliyi də vurğulanıb.
Konfranslarda məruzələr dinlənilib, məruzə
ətrafında müzakirələr aparılıb.
Müzakirə olunan əsas mövzular aşağıdakılar olub:
1Azərbaycanda
tolerantlıq mühiti: nailiyyətlər və çatışmazlıqlar;
2Vətəndaş
cəmiyyəti quruculuğunda dindar kəsimin fəal iştirakının təmin edilməsi,
dindarların cəmiyyətə inteqarasiyasının sürətləndirilməsi;
3Radikal
dini cərəyanların, ekstremizmin təbliğatında gəncləri özünə cəlb edən cəhətlər
və buna qarşı profilaktik tədbirlər - radikal dini qrupların təbliğatına qarşı
dini icmalarla, dövlət orqanları və vətəndaş cəmiyyətinin səylərinin
birləşdirilməsi;
4Radikallığa
qarşı düzgün dini maarifləndirmə və mətbuat
Konfrasnlarda həmçinin valideynlərlə, vətəndaş
cəmiyyətinin nümayəndələrinin, dini icma nümayəndələinin birgə səyləri ilə
məktəbli və tələbələrin qeyri - ənənəvi, yad dini qrupların təbliğatına qarşı
atıla biləcək addımlar, düzgün dini maarifləndirmə sahəsində aparılacaq işlər
də müzakirə olundu. Bu istiqamətdə müxtəlif qurumların səylərinin
birləşdirilməsi məqsədəuyğun hesab olundu.
İştirakçılara müxtəlif nəşr paylama materialları da
təqdim olundu.
Binəqədi,
Qəbələ və Sabirabad rayonlarının hər birində
keçirilən konfranslarda 420 nəfər gənc,
Dövlət və ictimaiyyət nümayəndələri iştirak edib.
Xəbərdən istifadə edərkən istinad etmək vacibdir.