Sumqayıt şəhər Gənclər və İdman Baş İdarəsinin təşkilatçılığı ilə Sumqayıt Gənclər Evində "Gənclərin peşə seçimi” mövzusunda seminar keçirilib. Seminarda şəhərin müxtəlif sahələrini təmsil edən gənclər, habelə tələbə-gənclər, qeyri-hökumət gənclər təşkilatlarının nümayəndələri də iştirak ediblər.
Təlimçi İman Ağayev tərəfindən verilən seminarda gənclərin peşə seçimi və karyera qurma bacarıqları, iş müraciəti üçün CV-lərin hazırlanması, iş yerlərinə müraciət və özünü təqdimetmə, gənclərin komanda şəklində işləməsi və işgüzarlıq keyfiyyətləri mövzusunda söhbətlər aparılıb.
Həmçinin qeyd olunub ki, Azərbaycan Respublikasının Prezidenti cənab İlham Əliyevin təsdiq etdiyi "2015-2025-ci illərdə Azərbaycan gənclərinin İnkişaf Strategiyası”nın prioritet istiqamətlərindən bir də gənclərin müxtəlif peşə biliklərinə yiyələnməsi, inkişaf edən ölkə iqtisadiyyatına uyğun yaranan yeni peşə sahələri haqqındadır.
Sonda iştirakçılarla mövzu ətrafında diskusiya təşkil edilib, onları maraqlandıran suallar cavablandırılıb.