Xəbərdarlıqlara baxmayaraq, insanlar qadağan olunmuş çimərliklərə üz tuturlar. Bu çimərliklərdə xeyli uşaq da çimir. Respublikanın baş pediatrı Nəsib Quliyev isə həmin uşaqların valideynlərinə xəbərdarlıq edir.
Uşaqlar suda çimir, oyun oynayır və əylənməyə çalışırlar.
Nəsib Quliyev bu vəziyyətin uşaqların sağlamlığı baxımından böyük risk yaratdığını deyir.
O, valideynləri övladlarının sağlamlığına biganə qalmamaq üçün diqqətli olmağa çağırır.
Respublika Gigiyena və Epidomologiya Mərkəzi dəniz mövsümü qabağı bütün çimərliklərdə monitorinqlər aparıb və Sumqayıt, Bakının Qaradağ rayonunun Sahil qəsəbəsinin Sahil və Səbail rayonunun Şıx çimərliklərində çimməyi qadağan edib. Səbəb isə bu çimərliklərdə bağırsaq çöplərinin normadan artıq olmasıdır.
Xezerxeber.com
Xəbərdən istifadə edərkən istinad etmək vacibdir.
