İyulun 12-də şəhid, sumqayıtlı polkovnik-leytenenat Raquf Orucovun doğum günüdür.
Bu münasibətlə həmin gün, yəni iyulun 12-də, saat 10:00-da Sumqayıt şəhər Şəhidlər Xiyabanında anım tədbirinin keçirilməsi nəzərdə tutulur. Bu barədə məlumat Feysbuk sosial şəbəkəsində yayılıb.
Məlumata görə mərasimdə Raquf Orucova Milli Qəhrəman fəxri adının verilməsi məqsədilə imza toplanacağı da gözlənilir.
Qeyd edək ki, Sumqayıt şəhər sakini Raquf Orucov bu ilin aprel ayının əvvəllərində cəbhədə erməni silahlı birləşmələri tərəfindən başladılan təxribat cəhdlərinin qarşısını alarkən şəhid olub.
Allah rəhmət etsin.

Xəbərdən istifadə edərkən istinad etmək vacibdir.