Sumqayıt şəhərində Həkimləri Təkmilləşdirmə İnstitutunun Psixiatriya və narkologiya kafedrasının professoru, respublikanın əməkdar həkimi, tibb elmləri doktoru Nadir Əliyevin 70 illik yubley tədbiri keçirilib.
Yubiley tədbirində Sumqayıt şəhər İcra Hakimiyyəti başçısının müavini Teymur Səmədov, Azərbaycan Tibb Universitetinin psixiatriya kafedrasının professoru, tibb elmləri doktoru Zəfər Əliyev, Səhiyyə Nazirliyi 1 nömrəli Respublika Psixiatriya Xəstəxanasının baş həkimi Rəsulov Ağahəsən, Respublika Məhkəmə-Psixiatriya Mərkəzinin direktoru Ağayev Əkbər, Azərbaycan Psixiatriya Assosiasiyasının prezidenti, psixiatriya kafedrasının professoru, tibb elmləri doktoru Nadir İsmayılov, Həkimləri Təkmilləşdirmə İnstitutunun psixiatriya kafedrasının müdiri, tibb elmləri doktoru, professor Teymur Qafarov, Tibb elmləri dostoru, professor, Azərbaycan Respublikası Məhkəmə-narkoloji ekspertizanın direktoru Bilal Əsədov, Səhiyyə Nazirliyi Psixi Sağlamlıq Mərkəzinin direktoru, tibb elmləri doktoru, professor Fuad İsmayılov, Gəncə, Şəki, Lənkəran, Qazax, Quba, Sumqayıt Regional Psixiatriya Xəstəxanalarının baş həkimləri iştirak ediblər.
Yubley tədbiri çərçivəsində Sumqayıt şəhərində səfərdə olan respublikanın tanınmış həkimləri dənizkənarında salınan yeni bulvarda olublar.
Qonaqlara şəhərdə həyata keçirilən abadlıq-qruculuq, yeni salınan dənizkənarı bulvarla bağlı ətraflı məlumat verilib.
Yubiley iştirakçıları yeni inkişaf mərhələsini yaşayan Sumqayıt şəhərindən xoş təəssüratla ayrılıblar.
Xəbərdən istifadə edərkən istinad etmək vacibdir.
