«Azərikimya» İstehsalat Birliyinin və Reduco Tədris Mərkəzinin birgə təşkilatçılığı ilə Sumqayıtda təmizlik aksiyası keçirilib.
Şəhərin 34 saylı məktəbinin həyətyanı ərazisində keçirilən aksiyada ağaclara qulluq edilib, təmizlik işləri görülüb, eyni zamanda simvolik olaraq bir neçə ağac əkilib.
Aksiyada "Azərikimya”nın əməkdaşlarına "Reduco” Tədris Mərkəzinin Yay Məktəbinin 6-12 yaşlı iştirakçıları kömək ediblər.
Tədbirin keçirilməsində məqsəd uşaqlarla təbiət arasında ünsiyyəti möhkəmləndirmək, ekoloji təmizliyin və yaşıllığın qayğısına qalmağın əhəmiyyətini çatdırmaqdan ibarət olub.
Xəbərdən istifadə edərkən istinad etmək vacibdir.
