Azərbaycan Respublikasının Prezidenti  yanında Qeyri-Hökümət Təşkilatlarına Dövlət Dəstəyi Şurasının maliyyə yardımı ilə "Qadın Təşəbbüsü və Sosial Problemlərin Həllinə Yardım” İB-nin may ayının 15-dən icrasına başladığı  "Insan alverinin potensial qurbanlarının maarifləndirilməsi və onlara sosial xidmətlərin təşkili, insan alverinin qurbanlarının sosial reablitasıyasına yardım göstərilməsi” layihəsi çərçivəsində bir sıra tədbirlər keçirilmişdir.
Gender ayrı-seçkilyinin, zorakılığın qurbanı olmuş şəxslərin, onların yaxınlarının, insan alverinin qurbanı olmuş və  ola biləcəyi riski ilə bağlı təşkilata müraciət etmiş bütün şəxslərə  hüquqi,psixoloji,sosial,tibbi yardımlar göstəriibdir.
Bu zaman ərzində Təşkilata müraciət etmiş 50 nəfərə hüquqi yardım, 38 nəfərə psixoloji, 15 nəfərə sosial, 3 nəfərə tibbi yardımlar göstərilib. Etimad telefonu vasitəsilə 30 nəfərə ilkin psixoloji və hüquqi yardımlar göstərilmişdir.
 26.05.2016 tarixində "Layihənin təqdimat mərasimi keçirilib”  Layihənin təqdimatında hüquqşunaslar,psixoloqlar, QHT nümayəndələri, KİV nümayəndələri olmaqla 22 nəfər iştirak etmişdir.
Layihə çərçivəsində benefesiarlar üçün nəzərdə tutulan xidmətlər barədə daim olaraq yerli telekanalda,sosial şəbəkələrdə elanlar verilir. Bukletlər çap olunaraq əhali arasında paylanılır.
03.06.2016 tarixində təşkilatın Sumqayıt şəhərində yerləşən ofisində "Risk qrupuna daxil olan insanlar:preventiv tədbirlər və sosial dəstək” mövzusunda təlim keçirilmişdir. 4 saat davam edən təlimdə psixoloqlar, yuxarı sinif şagirdləri, universitet tələbələri, müəllimlər,sosial işçilər KİV nümayəndələri iştirak etmişlər. Təlimdə 50 nəfərdən yuxarı iştirakçı olmuşdur. Təlimin ekspert qismində Azərbaycan Respublikasının Əmək və Əhalinin Sosial Müdafiə Nazirliyinin İnsan alverinə qarşı mübarizə Mərkəznin rəhbəri Nəzakət Xudiyeva çıxış etmişdir.
Təşkilatın ofisində insan alverinə aid qanunvericilik bazası ,ölkədə və regionda insan alveri sahəsində vəziyyəti barədə məlumatlar bazası hər ay yenilənərək maraqlanan hər bir şəxsin ixtiyarına verilmişdir.
Təşkilat tərəfindən layihəyə cəlb edilmiş könüllülərin dəstəyi ilə  regionlarda insan alveri sahəsində mövcud vəziyyətin öyrənilməsi ilə bağlı sorğular təşkil edilir. Sorğular regionlarda yaşayan əhali və regionlarda fəaliyyət göstərən İçtiami Təşkilatlar arasında aparılır.
Layihə çərçivəsində 22.06.2016 tarixində  Sumqayıt şəhəri 3 saylı orta məktəbdə "İnsan alverinə qarşı mübarizə haqqında məlumatlandırma” mövzusunda İçtimai müzakirə keçirilmişdir. İçtimai Müzakirədə 56 nəfər olmaqla müəllimlər,məktəb psixoloqları və digər təhsil işçiləri iştirak etmişlər.İçtimai Müzakirə zamanı insan alveri ilə mübarizə sahəsində müəllim və psixoloqların  maariflənməsi məktəblərdə təhsil alan yuxarı sinif şagirdlərinin də bu mövzuda maariflənməsinə bir başa təsiri olacaqdır.
Layihə müddətində gələcək aylarda da bir sıra tədbirlərin təşkili nəzərdə tutulub. Keçiriləcək tədbirlər barədə KİV-də, sosial şəbəkələrdə elanlar veriləcək.

Xəbərdən istifadə edərkən istinad etmək vacibdir.