Ətraf mühitin həm piyadalar, həm də sürücülər tərəfindən çirkləndirilməsi hallarına tez-tez rast gəlinir. Sürücülərin isə maşınların pəncərələrindən tullantıları atması onsuzda təmiz olmayan ekologiyanı biraz da çirkləndirir. 

ANS TV-nin məlumatına görə, avtomobillərin ətraf mühitə vurduğu ziyan hələ azmış kimi sürücülərin də məişət tullantılarını yerə atması ekologiyanı daha da çirkləndirir. Bakı Şəhər Baş Dövlət Yol Polis İdarəsinin videokameralarına çəkilən kadrlardan sürücülərin ətraf mühitin çirklənməsində nə qədər rolu olduğunu asanlıqla görmək olar. Məsələn, sürücünün siqaretin qutusunu yerə atdığının şahidi oluruq. Başqa bir kadrda isə sürücü içdiyi su qabı ilə ekologiyanı korlayır.

Bu cür misalların sayını kifayyət qədər artıra bilərik. Ekoloq İslam Mustafayev deyir ki, ətraf mühitin çirklənməsinin qarşısının alınması üçün artıq “Avro 4” standartlarına keçirilib: “Amma bununla yanaşı sürücülər özləri də ekologiyanın təmizliyinə diqqət etməlidirlər. Bunun üçün insanlar arasında maarifləndirmə işləri aparılmalıdır.

Məsələn, qabaqda gedən sürücü əlində olan butulkanı atır. Bu arxadakı maşına da dəyə bilər. Yaxşı olardı ki, arxadan gələn sürücüdə özündən əvvəldə gedən sürücünü saxlayıb ona bunun yaxşı olmadığını desin”.

Bakı Şəhər Baş Dövlət Yol Polis İdarəsinin ictimaiyyətlə əlaqələr şöbəsinin rəhbəri Vaqif Əsədov bildirdi ki, sürücülərin ətraf mühiti çirkləndirməsi inzibati xəta hesab olunur və belə sürücülər aşkar edilərək məsuliyyətə cəlb olunurlar.

Ona görə də gəlin ətraf mühiti qoruyaq. Ən azı özümüz əlimizə gələni minik vasitəsindən çölə atmayaq ki, bizim də azacıq ətra mühitin təmizliyində payımız olsun.