Tədbirdə çıxış edənlər şəhər Veteranlar Şurasının sədri Leyla Qasımzadə, Baş İdarənin Gənclərlə iş sektorunun baş məsləhətçisi Ceyhun Hüseynov, Qarabağ Müharibəsi Əlilləri, Veteranları və Şəhid Ailələri İctimai Birliyinin Sumqayıt şəhər filialının sədri Tərlan Hacızadə sülhün Azərbaycanının dövlət siyasətinin tərkib hissəsi olduğundan, bu siyasətin təməlinin Ulu Öndər Heydər Əliyev tərəfindən qoyulduğunu, ölkə Prezidenti İlham Əliyev tərəfindən ardıcıl sürətdə uğurla davam etdirildiyini, ölkəmizdə insan hüquq və azadlıqları sahəsində əldə olunan nailiyyətlərdən söhbət açıblar.

Bildirilib ki, sülhə və təhlükəsizliyə saymazyana münasibət bəsləyən Ermənistan bu gündə Azərbaycana qarşı düşmənçilik siyasətini davam etdirir, illərdir torpaqlarımızı işğal altında saxlayır, atəşkəs rejimini mütəmadi pozur.

Gənclər isə öz çıxışlarında Azərbaycanın tarixən sülhün tərənnümçüsü olduğunu, tolerantlıq ənənələrini daima yaşadıldığını, multikultural dəyərlərin qorunduğunu, müasir dövrdə də milli-mənəvi dəyərlərimizin tərkibi kimi bu ənənələri davam etdiyini qeyd ediblər.