"Əlil Sahibkarlar Təşkilatı” İctimai Birliyi ("ƏST”İB) Azərbaycan Respublikası Prezidenti yanında Qeyri Hökumət Təşkilatlarına Dövlət Dəstəyi Şurasının maliyyə dəstəyi ilə "Milli xalçaçılıq sənətinin inkişafı və əlillərin məşğulluğu üçün Peşə Emalatxanasının yaradılması” layihəsini uğurla davam etdirir. Layihənin məqsədi əlillərin bilik və bacarıqlarının vərdişə çevrilməsi, artırılması, onların müxtəlif peşələrə yiyələnmələri, bu peşələrin hesabına emalatxanalarda əmək fəaliyyəti göstərməlidir.
Qeyd edək ki, əlilliyi olan şəxslərin böyük bir hissəsi də Sumqayıtda və İsmayıllıda məskunlaşıb. Təklif etdiyimiz layihə Sumqayıtda və İsmayıllıda məskunlaşan əlilliyi olan şəxslər üçün Tədris-Təlim Emalatxanalarının yaradılmasıdır. Bu emalatxanaların əsas funksiyası yeni milli xalçaların toxunması, onların bərpası, bu sənət növlərinin ustalıq sirlərinin əlilliyi olan insanlara aşılanması və bu hesaba onların işlə təmin edilməsidir. Bu emalatxanalarda əlillər öz nəzəri və təcrübi biliklərini daimi vərdişə çevirməklə, iş sahibi olacaq və istehsal etdikləri məhsullardan gələcəkdə vəsait əldə edəcəkdir. Ən əsası da budur ki, əlillər üçün daimi iş yeri açılacaq. Beləliklə də əlillərin məşğulluq fəaliyyəti təmin ediləcək
"Əməkdar Xalçaçı Rəssam"
Fazil Abasquliyev və xalçaçı usta Rəmziyyə Xəlilovanın nəzarəti altında "Peşə Emalatxanamızda” Azərbaycan milli xalçaçılıq sənətinin incilərinə, dünyaca tanınmış xalça çeşnilərinə ilmə-ilmə nəfəs verilməkdədir.
Xəbərdən istifadə edərkən istinad etmək vacibdir.
