Bakı şəhərinin ümumtəhsil məktəblərində məktəbəqədər hazırlıq qruplarına qəbul elektron qaydada aparılacaq.
Bu barədə valideynlərə paytaxtın ümumtəhsil məktəblərindən məlumat verilib.
Qeyd edilib ki, məktəbəqədər hazırlıq qruplarına 5 yaşlı uşaqların qeydiyyatı üçün portal yaradılacaq və valideynlər birinci siniflərdə olduğu kimi burada da uşaqları elektron şəkildə qeydiyyatdan keçirəcəklər.
Oktyabrın 1-də artıq məktəbəqədər hazırlıq qruplarında dərslər başlayır. Bəs o zamana qədər valideynlər uşaqlarını elektron qeydiyyatdan keçirəcəklərmi?
AzVision.az məsələ ilə Bakı şəhər Təhsil İdarəsindən məlumat almağa çalışıb. İdarədən belə bir hazırlığın olduğu bildirilsə də, ətraflı məlumat verilməyib.
Xəbərdən istifadə edərkən istinad etmək vacibdir.
