Bu gün "Sevil" Qadınlar Məclisinin sədri, "SOS" Uşaq Kəndləri - Azərbaycan Assosiasiyasının fəxri prezidenti, bəstəkar, Space Televiziyasının qurucusu olan Sevil Əliyevanın doğum günüdür.
Unikal.org xəbər verir ki, Sevil Heydər qızı Əliyeva 12 oktyabr 1955-ci ildə Bakı şəhərində anadan olmuşdur. 1961-1971-ci illərdə orta məktəbdə, eyni zamanda musiqi məktəbində təhsil almışdır. 1971-1977-ci illərdə Azərbaycan Dövlət Universitetinin şərqşünaslıq fakultəsini ərəb dili şöbəsində təhsilini davam etdirmişdir.1977-1980-cı illərdə Moskva SSRİ Elmlər Akademiyası Şərqşünaslıq İnstitutunun aspiranturasında oxumuşdur.1981-ci ildə elmi tədqiqatını uğurla başa çatdırıb namizədlik dissertasiyası müdafiə etmişdir. Tarix elmləri namizədidir.1981-1986-cı illərdə SSRİ Elmlər Akademiyası Şərqşünaslıq İnstitutunun elmi əməkdaşı olmuşdur. 1986-cı ildən musiqi sahəsində fəaliyyətini davam etdirir.
Uzun illərdir Londonda yaşayan Sevil Əliyevanın 3 övladı var. Sevil Əliyeva ümummilli lider Heydər Əliyevin qızı və Prezident İlham Əliyevin bacısıdır.
Xəbərdən istifadə edərkən istinad etmək vacibdir.
