Sumqayıt şəhər 2 nömrəli uşaq poliklinikasının kollektivi Heydər Əliyev Mərkəzində olub. Xeberle.com məlumat verir ki, təşəbbüsün həyata keçirilməsində məqsəd mərkəzlə ümumi tanışlıq, kollektivin asudə vaxtının səmərəli keçirilməsi, həmçinin ümummilli liderin irsi, həyat və yaradıcılığı ilə daha da yaxından tanış olmaq olub. Əvvəlcə təbiblər ulu öndərin abidəsi önünə əklil qoyublar. Sonra isə Heydər Əliyev Mərkəzinə daxil olan tibb işçiləri bu çoxfunksiyalı binanın fəaliyyəti ilə tanış olublar. Mərkəzdən poliklinikanın kollektivinə bütün otaqlar və burada fəaliyyət göstərən qurumlar barədə ətraflı məlumat verilib. Sumqayıt şəhər 2 nömrəli uşaq poliklinikasının baş həkimi Maisə İsmayılova gələcəkdə də belə təşəbbüslərin davam etdiriləcəyini bildirib. Sonda tibb ocağının işçiləri və mərkəzin əməkdaşları birgə xatirə şəkli çəkdiriblər.