Sumqayıt Gənclər Evində Azərbaycan Respublikası Prezidenti yanında Gənclər Fondunun "E-tullantılar Qutusu” adlı layihəsi çərçivəsində sonuncu tədbir keçirilib. Layihə şəhər Gənclər və İdman Baş İdarəsinin, Sumqayıt Dövlət Universitetinin tələbə-gənclər təşkilatının, Yeni Azərbaycan Partiyası Gənclər Birliyinin və Sumqayıt Gənclərinin Sağlam Gələcəyi Təşəbbüs Qrupunun birgə təşkilatçılığı ilə reallaşıb.

Seminarda çıxış edən layihə rəhbəri Elvin Gülməmmədov informasiya-kommnukasiya texnologiyaları vasitələrinin insanların həyatında önəmli rol oynamaqla yanaşı, bir çox problemlər də meydana çıxardığı, bunlar sırasında elektron tullantılarında xüsusi yeri olduğunu bildirib. Qeyd olunub ki, layihə çərçivəsində belə tullantıların ətraf mühitə, atmosferə, insan sağlamlığına vura biləcəyi zərərlərin qarşısını almaq üçün maarifləndirmə işi təşkil olunub, interaktiv seminarlar keçirilib.

Eldar Müzəffərov tərəfindən verilən interaktiv seminarda isə kompüter texnikası, enerji daşıyıcılarının, batereyaların və.s ətraf mühitə atılmasından təbiətin və atmosferin zəhərlədiyi geniş izah olunub.

Sonda şəhərinbir neçə tullantı platformalarına "Elektron Tullantı” adlı qutular qoyulub və könüllü gənclərlə birgə layihə çərçivəsində çap edilmiş maarifləndirici xarakterli bukletlər sakinlərə paylanılıb.

 

 

 

 

 

Xəbərdən istifadə edərkən istinad etmək vacibdir.