"Aztəminatlı ailələrdən olan uşaqlara hüquq xidmətinin göstərilməsi” layihəsi çərçivəsində maarifləndirici tədbir keçirilib. Tədbiri giriş sözü ilə açan Qəbələ Regional Gənclərin Resurs Mərkəzi İB-nin icraçı direktoru Anar Məhərrəmov iştirakçıları salamlayaraq, tədbirin mövzusu, proqramı haqqında məlumat verib. Çıxış edən layihənin əlaqələndiricisi Ümüdvar Həsənova bildirib ki, layihə çərçivəsində əhalinin aztəminatlı təbəqəsindən olan uşaqlar və onların ailələrinə (qəyyumlarına), qanunla təmasda olan uşaqlar, zərərçəkmiş və şahidlər, əlilliyi olan şəxslər, sosial cəhətdən qeyri-qənaətbəxş vəziyyətdə olan uşaqlara və onların ailələrinə, hüquq xidməti və hüquqi təmsilçilik xidməti göstərilir. Ümüdvar Həsənov qeyd edib ki, layihə çərçivəsində uşaq hüquqlarının müdafiəsi, uşaq hüquqlarının təbliği, ictimai maarifləndirmənin təşkili mövzusunda tədbirlər təşkil olunur ki, bütün bunlar uşaq hüquqlarının daha səmərəli müdafiəsi istiqamətində olduqca əhəmiyyətlidir. Ümüdvar Həsənov qeyd edib ki layihə çərçivəsində 300-dək müraciət daxil olub ki, bunlardan da 150-dən çox müraciət öz həllini taparaq müvəffəqiyyətlə yekunlaşıb. Tədbirin sonunda iştirakçıları maraqlandıran mövzular ətrafında müzakirələr aparılıb.
Xəbərdən istifadə edərkən istinad etmək vacibdir.
