Bu gün "Azərikimya” İB-də iki günlük seminar-treninq çərçivəsində Yaponiyanın Hitachi şirkətinin 8 nəfərlik nümayəndə heyəti ilə görüş keçirilib.
Qonaqları səmimi salamlayan"Azərikimya” İstehsalat Birliyinin Müşahidə Şurasının sədri, Milli Məclisin deputatı Muxtar Babayev onlara "Azərikimya” İB-nin mövcud vəziyyəti, görülən işlər və perspektiv layihələr haqqında geniş məlumat verib.
Sumqayıtın Azərbaycanın ikinci böyük şəhəri və sənaye mərkəzi olduğunu qeyd edən Müşahidə Şurasının sədri nümayəndə heyətinə Kimya Sənaye Parkı və bu parkın ərazisində tikilən zavodlar haqqında söhbət açıb, slaydlar vasitəsilə kimya sənayesi haqqında qonaqlara geniş məlumat təqdim olunub.
Səmimi qəbula görə minnətdarlıqlarını ifadə edən nümayəndə heyətinin üzvləri "Azərikimya” İB-də modernizasiya işlərində və yeni qurğuların tikintisində onların təmsil etdiyi şirkətin də yer almasında və qarşılıqlı-faydalı əməkdaşlığın davam etdirilməsində maraqlı olduqlarını dilə gətiriblər.
Görüşdən sonra SOCAR-ın Təlim,Tədris və Sertifikatlaşdırma İdarəsinin Sumqayıt Təlim-tədris Mərkəzində  Hitachinin mütəxəssisləri tərəfindən həyata keçirilən iki günlük treninqə start verilib."Hitachi kompressor texnologiyaları” mövzusunda keçirilən treninqdə "Azərikimya” İB-nin Etilen-polietilen zavodunun müxtəlif istehsalat sahələrində çalışan 10 nəfər mütəxəssisi ilə bərabər, SOCAR-ın digər müəssisələrinin əməkdaşları da iştirak edirlər.
 

Xəbərdən istifadə edərkən istinad etmək vacibdir.