"Anaya ehtiyacı olan qızlar ana olmasınlar!” layihəsi çərçivəsində növbəti tədbir keçirilib.
Xeberle.com-a verilən məlumata görə, Sumqayıt şəhərində 4 saylı orta məktəbdə təşkil olunan tədbirdə layihə rəhbəri R. Məmmədova layihə və onun donoru haqqında məlumat verib.
Ali təhsilli və gənc ana olan layihə rəhbəri bildirib ki, layihənin icrasında əsas məqsədi erkən nikahların yaratdığı fəsadlar və erkən nikahın zərərləri haqqında yeniyetmələri məlumatlandırmaqdır.
Layihənin eksperti erkən nikahın yaratdığı problemlər, sağlamlığa vurduğu ziyanlar barədə danışaraq şagirdlərə layihə vasitəsilə əldə etdikləri məlumatları valideynlərinə və şəhər əhalisinə ötürməyi tövsiyə edib.
Sonra iştirakçılara Azərbaycan Respublikasının Prezidenti yanında Gənclər Fondunun dəstəyi ilə icra olunan layihə çərçivəsində hazırlanmış bukletlər və dəftərxana ləvazimatları təqdim edilib.
Xəbərdən istifadə edərkən istinad etmək vacibdir.
